APSIG 2025: Катмандугаас олж авсан мэдлэг, нөхөрлөл

Саяхан би Ази-Номхон далайн Интернэт засаглалын сургууль (APSIG)-ийн 2025 оны хөтөлбөрт хамрагдаж, Непал улсын Катманду хотод болсон сургалтад оролцсон. Бүс нутгийнхаа 39 залуу мэргэжилтний нэгээр сонгогдон, интернэтийн одоо, ирээдүйг тодорхойлох хамгийн чухал сэдвүүдийн талаар гүнзгийрүүлэн судлах боломж олдсонд баяртай байна.

Дөрвөн өдрийн эрчимжүүлсэн хөтөлбөрийн хүрээнд бид хиймэл оюуны засаглал, кибер аюулгүй байдал, цахим хуваагдал, платформын зохицуулалт зэрэг өргөн хүрээний сэдвийг хөндөж, салбарын тэргүүлэх мэргэжилтнүүдээс суралцлаа.

Энэхүү сургалтын үеэр кибер халдлага болон интернэтийн тасалдлын үеийн дүрд тоглох дасгалууд маш өгөөжтэй байлаа. Энэ нь үр дүнтэй шийдэлд хүрэхийн тулд бодит байдалд тулгуурласан арга барил, юу юунаас илүүтэйгээр олон талт хамтын ажиллагаа ямар чухлыг дахин нэг сануулсан юм. Мөн Ази-Номхон далайн бүс нутгийн олон авьяаслаг залуус, мэргэжилтнүүдтэй танилцаж, шинэ санаа, харилцаа холбоо тогтоосон нь үнэ цэнтэй байлаа. 

Read more...

Ази, Номхон далайн бүс нутгийн Интернэт засаглалын форум (APrIGF 2024)

Ази, Номхон далайн бүс нутгийн Интернэт засаглалын форум (APrIGF) 2024 оны 8 дугаар сарын 20-23-ны өдөр Тайваний нийслэл Тайпей хотод болсон. Энэ хуралд миний хувьд олон найзын хамт тэтгэлэгтэйгээр оролцсон.

Тус форумын бодлогын баримт бичигтэй энэ холбоосоор танилцах боломжтой: https://ap.rigf.asia/documents/APrIGF_2024_Taipei-Synthesis_Document_FINAL.pdf

   

#InternetGovernance #APrIGF_2024 #APrIGF2024

Read more...

Интернет засаглалын форум - 2023

НҮБ-ын Ерөнхий нарийн бичгийн дарга хариуцан зохион байгуулдаг Интернет засаглалын форум (IFG) энэ жил Япон улсын Киото хотод 2023 оны 10 дугаар сарын 8-12-ны өдөр "Бидний хүсч буй интернет - Бүх хүнийг дэмжих нь" гэсэн ерөнхий сэдэвтэй боллоо.

Энэ удаагийн форумд дараах 8 сэдвийн хүрээнд нийт 355 салбар хуралдаанд 178 орны 6279 хүн биечлэн, 3000 гаруй хүн онлайнаар оролцсон. 

- Хиймэл оюун ухаан ба шинээр гарч ирж буй технологи

- Интернет хуваагдлаас зайлсхийх нь

- Кибер аюулгүй байдал, кибер гэмт хэрэг, онлайн аюулгүй байдал

- Өгөгдлийн засаглал ба итгэл

- Цахим хуваагдлаас сэргийлэх нь

- Дэлхийн цахим засаглал ба хамтын ажиллагаа

- Хүний эрх, эрх чөлөө

- Тогтвортой байдал ба байгаль орчин.

Энэ удаагийн форумын үр дүнг дараах холбоосоор орж танилцах боломжтой:

https://www.intgovforum.org/en/content/igf-2023-outputs 

Read more...

Нэг дэлхий, Нэг интернет, Нэг зорилго

НҮБ-аас зохион байгуулдаг "Интернетийн засаглалын форум" 14 дэх жилдээ ХБНГУ-ын Берлин хотноо 2019 оны 11 дүгээр сарын 25-29-ний өдөр болж өнгөрлөө. #IFG2019

    

Тус форумд оролцоход бүх талаар дэмжсэн НҮБ, ХБНГУ-ын ЗГ, түүний доноруудад баярлалаа.

"Нэг дэлхий, Нэг интернет, Нэг зорилго" уриан дор болсон тус форум нийт 200 салбар хуралдаан, 64 семинар, сайн туршлага солилцох 4 форум, эвслүүдийн 14 уулзалт, үндэсний ба бүс нутгийн санаачлагын талаарх 6 салбар хуралдаан, 36 нээлттэй форумаас бүрдсэн бөгөөд нийт 161 орны 3679 хүн биечлэн, 2952 хүн онлайнаар оролцлоо.

Интернетийн засаглалын форумын үр дүн, тайлантай дараах холбоосоор орж танилцана уу:

- IGF 2019 Chair’s Summary: https://www.intgovforum.org/multilingual/index.php?q=filedepot_download/9299/1809
- Berlin IGF Messages: https://www.intgovforum.org/multilingual/content/berlin-igf-messages
- IGF 2019 Outputs: https://www.intgovforum.org/multilingual/content/igf-2019-outputs
- IGF 2019 Participation and Programme Statistics: https://www.intgovforum.org/multilingual/content/igf-2019-participation-and-programme-statistics
- IGF 2019 Transcripts: https://www.intgovforum.org/multilingual/igf-2019-transcripts

Миний хувьд дараах хуваарийн дагуу үндсэн болон салбар хурал, семинарт оролцлоо: https://igf2019.sched.com/galbaatarlkhagvasuren

Read more...